Gurit Wanto Tirta : Mantane Dhewek
 |
Wanto Tirta
MANTANe DHEWEK
Dadi mantan kudu
disyukuri
Amanah rampung tekan
titi wanci
Pasrah pegawean ihlas
tuwuh ning ati
Ora melu cawe-cawe
lan ngrusebi
Gawe rikuh karo sing
njuguli
Kadhang kikuk
ngangel-ngangeli
Mbubrah tatanan
jiretan diudari
Aturan sing mapan
terus diakali
Neng kene
tah ora, kuwe crita mbuh neng ngendi
Aja
derasa depenggalih apa maning tekan ati
Dadi mantan kudu
disyukuri
Merga akeh pejabat
ora bisa turu lali
Kenang goda masalah
korupsi
Urung rampung malah
mlebu bui
Nalika njabat
pertama gagah lan pengaji
Ngangkat sumpah
ngucap janji
Neng ngarep pejabat
lan gusti illahi
Ora kena kkn
apamaning korupsi
Mbareng dadi akeh
setan klawad kliwid
Cekakak cekikik
padha gombali nawani
Maune rikuh lan wedi
maring jaksa lan polisi
Suwe-suwe ora tahan
kegawa keli
Liwat kebijakan
aturan diakali
Demi sesuap nasi
kanthonge dhewek isi
Neng kene
tah ora, kuwe crita mbuh neng ngendi
Aja
derasa depenggalih apa maning tekan ati
Mengko
bisa lara ati banjur frustasi bunuh diri
Dus gusti
diilari aja ngasi
Dadi mantan kudu sing
lega
Nglepas jabatan
atine bungah
Ngguyu ramah ora
prelu susah
Najan getun kelingan
setoran njeprah
Angger dewadhahi
akehe setampah
Kuwe neng
kana-kana, neng kene tah ora
Mula aja
dirasa mbok gawe ati lara
Dadi pejabat apike
sing merakyat
Aja ningrat lan gila
hormat
Mbok rampungane
kewalat
Mlaku-mlaku ora ana
sing sambat
Mula eling pejabat
digaji neng rakyat
Nyambut gawe kanggo
kepetingan masyarakat
Supaya makmur urip
ora kesrakat
Pensiun dadi pejabat
esih olih ormat
Inyong kelingan ana
pejabat pensiun bali desa
Dadi bakul peso
nggelar lapak neng dunia maya
Teyeng guyon tindak
tanduke sederhana
Kupluke miring
ceplas ceplos olih ngendika
Mulane nate
keclethok nalikane dialog mahasiswa
Ujare pilihane padha
jebulane beda
Dunia maya geger
pejabat kuwe viral neng endi ora
Ditakoni wartawan mung
mesem gawe wong padha kesengsem
Najan katon
pasuryane madan lingsem
Neng ati esih
nggelalur kebecikan
Ngalor ngidul
ndandeng lan lelungan
Kenangan ora bisa
uwal lan ilang
Turu kemutan nganti
ngimpi julalatan
Agine brayan
nggulawentah warga
Bantu binanti
babagan kebecikan
Eling tineling
mungguh urip slamet neng bebrayan
Najan tau dadi topic
pembicaraan neng tivi lan Koran
Merga usul angger
kpk ott aweh ngerti dhisit utawa dinei kabar
Becik ketitik ala
ketara ngelingi barang apik sing ala disingkirna
Maring wong tuwa
njunjung dhuwur mendhem jero
Sewetara krungu jere
esih duwe gegayuhan
Masang wuwu neng
mangsan pemilu
Pengin dadi dewan
neng pusat nduwuran
Inyong dedonga moga-moga
kaleksanan
Neng ati
karo grundelan jebule esih kurang
Batir
inyong nylethuk pancen jabatan padha nggo iunceran
Kejaba
pengabdian uga akeh saweran
Jenang
ketan pisang rawun
Tambah utri
nggo sandhingane
Kagem mantan matur
nuwun
Awit bekti lan pengabdiane
17112023
*kenangan kagem Rama AH
Web blog ini adalah ruang inklusif untuk dokumentasi karya literasi yang dikelola Komunitas Sastra Pinggiran. Anda bisa bertanya dan berbagi kiriman karya baik cerpen, cerkak, puisi, guritan, esai bisa dikirim ke : red.sastrapinggiran@gmail.com
Belum ada Komentar untuk "Gurit Wanto Tirta : Mantane Dhewek"
Posting Komentar